Сэцэн хан аймгийн Хөвчийн жонон бэйс Сангилигдорж 1890 онд хошууныхаа шилдэг урчуудаар бүрэн тавилгатай бага таван ханатай арьсан тугдмыг (хүндтэй хүмүүсийн орд өргөө гэр) бүтээлгэн VIII Богд Жавзандамба хутагтын 25 насны ойгоор бэлэглэжээ.

Гэрийн модыг сийлбэрлэх, зүмбэрлэх, мөнгөн тоногоор чимэглэх, өнгө хослон дагнаас гарган хээлж будах аргаар урлажээ. Гоёмсог хорол тооно, өлзийт найман тахил бүхий дорвон банатай, багана тус бүрийг луугаар ороож, унийг үндэсний хээ угалзаар чимэглэжээ. Түмэн насан хээтэй, мөнгөн тоногтой давхар хаалгатай, хөлтрөг хаяавчтай, 150 ирвэсийн арьсан бүрээс, үүдтэй монгол гэр. Хээ тус бүр нь бэлгэдлийн гүн гүнзгий утга агуулгатай. Хорол хээ нь айл гэрийн энх амгалан, бат бэхийг, түмэн насан хээ нь гэрийн эзэн үүрдийн аз жаргалтай, урт удаан наслахыг бэлгэддэг. Ирвэсийн арьсан бүрээсийг орон орны ирвэс нутагладаг бүс нутгаас авчирсан болох нь арьсны төрөл зүйлүүдээс тод харагддаг.

Энэхүү тугдмыг бороо хур холдсон хуурай сэрүүн улиралд барьж, VIII Богд Жавзандамба хутагт арван хоногийн турш нямба бясалгал үйлддэг байжээ.

Эх сурвалж: Богд хааны ордон музей