БНХАУ-ын Саньяа хотноо өчигдөр нээлтээ хийсэн Азийн элсний VI наадмын жюү жицүгийн төрлийн эмэгтэйчүүдийн -52 кг жинд барилдсан "Гаруда" академи, "Гүмүда констракшн"-ы тамирчин Ганбаатарын Монголжин хүрэл медаль хүртлээ.

Тэрбээр ийнхүү Монголын багийн анхны медалийн салхийг хагаллаа.

Уг наадамд 45 орны 1800 орчим тамирчин 14 спортын 62 төрөлд өрсөлдөж буй бөгөөд Монгол Улсаас найман спортын төрөлд 50 гаруй тамирчин ур чадвараа сорино.