Монгол Улсын махны экспорт 2025 оны эцсийн байдлаар 85,624 тоннд хүрчээ. Энэ нь өмнөх оноос 20 хувиар өссөн үзүүлэлт юм. 

Дээрх өсөлтийн үр дүнд өнгөрсөн онд махны экспортын борлуулалтын орлого 345.3 сая ам.доллар болж дээд хэмжээнд хүрчээ. 2025 онд экспортолсон нийт махны 34,653 тонн нь адууны мах, 22,528 тонн нь боловсруулсан мах байжээ.

Манай улсын экспортын махны хамгийн том худалдан авагч нь БНХАУ бөгөөд нийт зах зээлийн 62 хувийг эзэлж байна. Харин экспортын махны 22 хувь нь Иран, Ирак  зэрэг Булангийн орнуудад ногдож байна.

Цар тахлын нөхцөл байдлын улмаас буураад байсан махны экспорт сүүлийн хэдэн жилд ийнхүү эрчимжжээ. Тухайлбал, 2020-2022 онд экспортын хэмжээ дунджаар 45 хувиар буурч, 2022 онд 16.0 мянган тонн болтлоо багассан бол 2023 оноос эхлэн экспорт огцом сэргэж, 80.4 мянган тоннд хүрсэн нь цар тахлын дараах түүхэн дээд үзүүлэлт болжээ.