Ерөнхий сайд Г.Зандашатар Засгийн газрын тэргүүний ажлаас чөлөөлөгдөх өргөдлөө МАН-ын Удирдах зөвлөлд өнөөдөр гаргажээ. Ингэснээр түүний Засгийн газар бүрэн бүрэлдэхүүнээрээ огцрох болж байна. Монгол Улсын Үндсэн хуульд Ерөнхий сайд огцорвол Засгийн газрыг огцорсонд тооцохоор заасан билээ. 

Ирэх 7 хоногт Г.Занданшатарыг Ерөнхий сайдаас чөлөөлөх, улмаар дараагийн Ерөнхий сайдыг томилох асуудал парламентын түвшинд өрнөх төлөвтэй байна.

Г.Занданшатар нь 2025 оны 6 дугаар сарын 13-нд Монгол Улсын Ерөнхий сайдаар томилогдсон юм.

МАН-ын Удирдах зөвлөл дараагийн Ерөнхий сайдад УИХ-ын дарга, МАН-ын дарга Н.Учралыг нэр дэвшүүлж байгаа юм байна. Үүнээс үүдэлтэй дараагийн УИХ-ын даргаар хэн сонгогдох вэ гэдэг ч асуудал мөн яригдаж эхэллээ.