БНХАУ-ын ӨМӨЗО-ы Ордос хотод болсон Ази тивийн аварга шалгаруулах жүдо бөхийн тэмцээний холимог багийн төрөлд  Монгол Улсын үндэсний шигшээ баг алтан медалийн төлөө Казахстан улсын шигшээ багийг 4:0 харьцаатайгаар буулган авлаа. Ингэснээр түүхэндээ анх удаа “Ази тивийн аварга” баг болов. 

Үндэсний шигшээ баг өмнө нь "Нурсултан-2022", "Хонгконг-2024" ААШТ-д үзүүрлэж, "Фужайра-2019", "Бангкок-2025" ААШТ-ээс хүрэл медаль хүртэж байв.

Ордосын ААШТ-нд Монголын жүдочид ийнхүү 3 алт, 1 мөнгө, 2 хүрэл, холимог багийн алтан медаль хүртэж, багийн дүнгээр тэргүүлжээ.