Төр, нийгмийн зүтгэлтэн, Ардчилсан хувьсгалын анхдагч удирдагчдын нэг Санжаасүрэнгийн Зориг агсны мэндэлсний 64 жилийн ой өнөөдөр тохиож байна.

Тэрээр 1962 оны 4 дүгээр сарын 20-нд Улаанбаатар хотод төрж, 23 дугаар дунд сургууль, Ломоносовын нэрэмжит Москвагийн улсын их сургуулийг философич мэргэжлээр төгсөж, МУИС-д багшилж байхдаа 1990 оны Ардчилсан хувьсгалыг санаачлан, үйл явдлыг удирдалцаж, улс төрд хөл тавьсан бөгөөд 1998 оны 10 дугаар сарын 2-нд бусдын гарт онц хэрцгийгээр амь насаа алдсан юм. Энэ үедээ С.Зориг нь УИХ-ын гишүүн, Дэд бүтцийн сайдаар ажиллаж байв. Харамсалтай нь түүний амь насыг хөнөөсөн хэрэг өнгөрсөн 28 жилийн туршид эцэслэн шийдвэрлэгдээгүй өнөөдрийг хүрчээ.

Энэ өдөр бүл, найз нөхдөөс нь болон АН, ИЗНН тэргүүтэй улс төрийн намууд С.Зориг агсны хөшөөнд цэцэг өргөж, хүндэтгэл илэрхийлж байна.

Мөн өнөөдөр19 цагаас Корпорейт Конвейшн центр-т сэтгүүлч Б.Оюунчимэгийн бүтээл "Үлдэх Зориг" баримтат киноны нээлт болно.