Арабын Нэгдсэн Эмират Улс Газрын Тос Экспортлогч Орнуудын Байгууллага (OPEC-ОПЕК)-аас гарахаар боллоо хэмээн тус улсын Эрчим хүчний сайд Сухаил Мохамед аль-Мазруи мэдэгджээ. 

Тэрбээр "Энэ бол улс төрийн шийдвэр. Олборлолтын түвшинтэй холбоотой өнөөгийн болон цаашдын бодлогод нарийн дүн шинжилгээ хийсний эцэст манай улс ийм шийдвэр гаргасан. Энэ алхам нь зах зээлд ноцтой нөлөө үзүүлэхгүй" гэсэн байна. 

Өнөөдрийн хурцадмал байдал үүсгэж, газрын тос, хийн хямралтыг үүсгээд байгаа АНУ, Израил хамтран Иран улс руу довтлогооноос болж дэлхийн газрын тосны нийлүүлэлтийн 1/5 нь дамжин өнгөрдөг байсан Ормузын хоолой хаагдсан. Ингэснээр ОПЕК-т багтдаг Персийн булангийн газрын тос, хий үйлдвэрлэгч орнууд ихээхэн хүндрэлтэй тулгарч байна. 

Иран, Ирак, Кувейт, Саудын Араб болон Венесуэл гэсэн таван орон ОПEК-ийг 1960 онд байгуулсан. Энэ байгууллагын зорилго нь гишүүн орнуудын тогтвортой орлогыг хангахын тулд олборлолтыг зохицуулах явдал. Байгууллагын гишүүн орнуудын тоо олон жилийн туршид өөрчлөгдсөн, үндсэн таван орноос гадна энэ байгууллагад Алжир, Экваторын Гвиней, Габон, Ливи, Нигер, Бүгд Найрамдах Конго Улс ч багтдаг байна. АНЭУ 1967 онд энэ байгууллагад нэгдсэн байна. Одоо тус улс гарснаар 11 гишүүн ОПЕК-т үлдэх ажээ.