Бүгд Найрамдах Казахстан Улсын Засгийн газрын 2026-2027 оны тэтгэлэг зарлагдлаа. 

Монгол Улсын Боловсролын яам, Бүгд Найрамдах Казахстан Улсын Боловсролын, шинжлэх ухааны яам хоорондын Боловсролын салбарт хамтран ажиллах тухай хэлэлцээрийн хүрээнд 2026-2027 оны хичээлийн жилд Казахстан Улсад суралцах 25 хүртэлх суралцагчид тэтгэлэг олгоно. 

Тэтгэлгийн мэдээлэл 

• Суралцах түвшин: Бакалавр, магистр, доктор. 
• Квот: Нийт 25 хүртэл суралцагч. 
• Тэтгэлэгт багтах зардлууд: 
  • Сургалтын төлбөр; 
  • Сар бүрийн амьжиргааны тэтгэмж. 

Тавигдах шаардлага 

• Монгол Улсын иргэн байх; 
• Тасралтгүй суралцах боломжтой байх; 
• Сонгон шалгаруулалтад орох хүсэлт, холбогдох баримт бичгийг бүрэн бүрдүүлсэн байх; 
• Бакалаврын хөтөлбөрт суралцах хүсэлт гаргагч нь ерөнхий боловсролын сургуулийн 12 дугаар ангид 85-аас дээш дүнтэй суралцаж буй, эсхүл Монгол Улсын магадлан итгэмжлэгдсэн их сургууль, коллежийн 1, 2 дугаар дамжаанд 3.0-аас дээш голчтой суралцаж байх; 
• Магистрын хөтөлбөрт суралцах хүсэлт гаргагч нь бакалаврын түвшнийг 3.0 ба түүнээс дээш голч дүнтэй сурч төгссөн байх (2-оос доошгүй жил ажилласан ажлын туршлагатай); 
• Докторын хөтөлбөрт суралцах хүсэлт гаргагч нь магистрын түвшнийг 3.2 ба түүнээс дээш голч дүнтэй сурч төгссөн байх (2-оос доошгүй жил ажилласан ажлын туршлагатай); 
• Өөр улсын Засгийн газрын тэтгэлэгт хамрагдаагүй байх; 
• Бүх материал монгол хэлээр байх бөгөөд англи, орос, казах хэлний аль нэг хэлээрх орчуулгын хамт илгээнэ. 
• Эрэлттэй, тэргүүлэх мэргэжлээр суралцагчид давуу тал олгоно. 

Бүртгэл ба хугацаа 

• 2026 оны 6 дугаар сарын 1-ний өдрийн 17:00 цаг хүртэл; 
• Өргөдлийн материал илгээхдээ scholarship.esis.edu.mn-д хандан бүртгэл үүсгэж,  цахим өргөдөл бөглөн илгээнэ үү. 
• Өргөдөлд дурдсан дараах баримт бичиг тус бүрийг PDF /1 файлын хэмжээ 5Mb-аас ихгүй байх/ хэлбэрээр “баримт бичиг” хэсэгт хавсаргана. 

Бүрдүүлэх бичиг баримт 

Бакалаврын хөтөлбөрт бүртгүүлэх иргэд: 

• Тэтгэлэгт хамрагдахыг хүссэн өргөдөл /ЭНД ДАРЖ татаж авна уу/. 
• Бүгд Найрамдах Казахстан Улсад Засгийн газрын тэтгэлгээр суралцах хүсэлтэй байгааг илэрхийлсэн 300-400 үгтэй эсээ /монгол хэлээр бичиж, шаардлагад дурдсан аль нэг хэл рүү орчуулсан байх/;  
• Бүрэн дунд боловсролын үнэмлэхийн хуулбар, дүнгийн хуулбар /нотариатаар баталгаажуулж шаардлагад дурдсан аль нэг хэл рүү орчуулсан байх/; 
• Их сургууль, коллежийн 1, 2 дугаар дамжааны дүнгийн хуулбар, орчуулгын хамт /их сургууль, коллежийн 1, 2 дугаар дамжаанд суралцдаг тохиолдолд/; 
• Гадаад хэлний мэдлэгийн батламж (англи, орос); 
• Гадаад паспортын хуулбар; 
• Иргэний үнэмлэхийн хуулбар; 
• Эрүүл мэндийн шинжилгээний хуудас (HIV, AIDS); 
• Цагдаагийн тодорхойлолт /E-Mongolia-с татаж авах боломжтой/. 

Магистр, докторын хөтөлбөрт бүртгүүлэх иргэд: 

• Тэтгэлэгт хамрагдахыг хүссэн өргөдөл /ЭНД ДАРЖ татаж авна уу/. 
• Тодорхойлох захидал /багш-1, ажлын газар-1/; 
• Бүгд Найрамдах Казахстан Улсад Засгийн газрын тэтгэлгээр суралцах хүсэлтэй байгааг илэрхийлсэн 300-400 үгтэй эсээ, суралцах хөтөлбөр, төлөвлөгөө /монгол хэлээр бичиж, шаардлагад дурдсан аль нэг хэл рүү орчуулсан байх/; 
• Дээд боловсролын зэргийн диплом, дүнгийн жагсаалтын хуулбар /нотариатаар баталгаажуулж шаардлагад дурдсан аль нэг хэл рүү орчуулсан байх/; 
• Гадаад хэлний мэдлэгийн батламж (англи, орос); 
• Эрдэм шинжилгээний бүтээлийн жагсаалт (докторын сургалтад өргөдөл гаргах иргэд заавал хавсаргах); 
• Гадаад паспортын хуулбар;  
• Иргэний үнэмлэхийн хуулбар; 
• Эрүүл мэндийн шинжилгээний хуудас (HIV, AIDS); 
• Цагдаагийн тодорхойлолт /E-Mongolia-с татаж авах боломжтой/.  

Анхаарах зүйлс

• Цахим бүртгэлийн хугацаа дуусахаас өмнө бүртгүүлсэн материалаа ИЛГЭЭХ товч дээр дарж баталгаажуулахыг анхаарна уу. (Илгээх товчийг дарснаар танд и-мэйл хаягаар хариу ирнэ.) 
• Бүртгэл дуусах цаг дөхөх тусам системийн ачаалал ихэсдэг тул эрт бүртгүүлэхийг зөвлөж байна. Бүртгэлийн системтэй холбоотой асуудлаар ажлын өдөр 09:00-17:00 цагт 75772727 дугаараас, тэтгэлэгтэй холбоотой асуудлаар 09.00-17.00 цагт Боловсролын яамны 51-262916 дугаараас тус тус лавлана уу. 
• Бүртгэлээс хоцорсон иргэдийг нэмж бүртгэх боломжгүй тул та тогтоосон хугацаанд бүртгүүлнэ үү. 
• Цахим бүртгэлийн системд үнэн, зөв баримт бичгийг байршуулах шаардлагатай. Баримт бичгийг хуурамчаар үйлдсэн тохиолдолд тэтгэлгийн эрхийг хасна.