Энэхүү хэлэлцээ бол дэлхийн хамгийн том хоёр хэт их гүрний ашиг сонирхол, байр суурь, хандлагын илэрхийлэл гэж болно. 

• Дэлхий дахинд зуун жилд тохиогоогүй өөрчлөлт хурдацтай өрнөж, олон улсын нөхцөл байдал ээдрээтэй болж байна.
• Энэ үед Хятад, Америк хоёр “Фукидитийн урхи”-г даван туулж, их гүрнүүдийн харилцааны шинэ загварыг бий болгож, дэлхий нийтийн сорилтуудыг хамтдаа даван туулж, дэлхийд илүү тогтвортой байдал авчирч чадах эсэх, хоёр орны ард түмний сайн сайхан болон хүн төрөлхтний ирээдүйг харгалзан хоёр улсын харилцааны илүү сайн ирээдүйг хамтдаа бүтээж чадах эсэх нь түүх, дэлхий, ард түмний өмнө тавигдсан асуулт бөгөөд их гүрнүүдийн удирдагчдын хамтдаа бичих ёстой цаг үеийн хариулт мөн.
• Трамп ерөнхийлөгчтэй хамтран Хятад–Америкийн харилцааны “том хөлөг онгоц”-ыг зөв чиглүүлж, 2026 оныг хоёр орны харилцааны түүхэн, бэлгэдлийн чанартай шинэ эхлэл болгоход бэлэн байна.
• Хятадын тал Хятад–Америкийн харилцааг эрүүл тогтвортой хөгжүүлэхэд анхаарч байна
• Хоёр тал “Хятад–Америкийн стратегийн бүтээлч тогтвортой харилцаа”-г хоёр орны харилцааны шинэ байр суурь болгохоор санал нэгдсэн нь ирэх гурван жил болон түүнээс цааших хугацаанд стратегийн чиглэл болно гэдэгт итгэлтэй байна.
• “Стратегийн бүтээлч тогтвортой байдал” гэдэг нь хамтын ажиллагаанд суурилсан эерэг тогтвортой байдал, өрсөлдөөнийг зохистой түвшинд барьсан эрүүл тогтвортой байдал, санал зөрөлдөөнийг хяналттай байлгасан хэвийн тогтвортой байдал, энх тайвныг хадгалсан урт хугацааны тогтвортой байдал байх ёстой.
• Хятад–Америкийн эдийн засаг, худалдааны харилцааны мөн чанар нь харилцан ашигтай хамтын ажиллагаа бөгөөд санал зөрөлдөөн, маргаантай асуудлыг тэгш эрхтэй зөвшилцлөөр шийдвэрлэх нь цорын ганц зөв сонголт.
• Өчигдөр хоёр улсын эдийн засаг, худалдааны багууд ерөнхийдөө тэнцвэртэй, эерэг үр дүнд хүрсэн нь хоёр орны ард иргэд болон дэлхий дахинд сайн мэдээ болсон.
• Өнөөгийн энэ эерэг хандлагыг хамтдаа хамгаалах шаардлага.
• Хятад улсын нээлттэй бодлого улам өргөжинө.
• Америкийн аж ахуйн нэгжүүд Хятадын шинэчлэл, нээлттэй бодлогод гүн оролцож байгааг сайшааж байна.
• Америкийн талтай харилцан ашигтай хамтын ажиллагааг өргөжүүлэхийг Хятадын тал дэмжинэ.
• Хоёр тал улс төр, дипломат болон цэргийн харилцааны сувгийг үр дүнтэй ашиглаж, худалдаа, эрүүл мэнд, хөдөө аж ахуй, аялал жуулчлал, хүмүүнлэг, хууль сахиулах зэрэг салбарын хамтын ажиллагааг өргөжүүлэх ёстой.
• Тайванийн асуудал нь Хятад–Америкийн харилцаа дахь хамгийн чухал асуудал. Энэ асуудлыг зөв зохицуулж чадвал хоёр орны харилцаа ерөнхийдөө тогтвортой байна, харин буруу зохицуулбал мөргөлдөөнд хүрч, хоёр орны харилцааг аюултай байдалд хүргэнэ.
• “Тайванийн тусгаар тогтнол” болон Тайванийн хоолойн энх тайван нь үл зохицох зүйл бөгөөд Тайванийн хоолойн энх тайван, тогтвортой байдлыг хамгаалах нь Хятад, Америкийн хамгийн том нийтлэг ашиг сонирхол.
• Америкийн талаас Тайванийн асуудалд маш болгоомжтой хандахыг хүсье.

• Хятадад төрийн айлчлал хийж байгаадаа туйлын баяртай байна.
• Америк–Хятадын харилцаа сайн байгаа бөгөөд өөрөө Ши Жиньпинтэй Америк–Хятадын төрийн тэргүүнүүдийн түүхэн дэх хамгийн удаан, хамгийн сайн харилцааг тогтоосон.
• Ши Жиньпин дарга бол агуу удирдагч, Хятад улс бол агуу улс.
• Би Хятадын ард түмнийг гүнээ хүндэтгэдэг.
• Өнөөдрийн уулзалт нь дэлхий нийтийн анхаарлыг татсан чухал уулзалт болж байна.
• Ши Жиньпин даргатай хамтран харилцаа холбоо, хамтын ажиллагааг бэхжүүлж, санал зөрөлдөөнийг зохистой шийдвэрлэн, Америк–Хятадын харилцааг түүхэн дэх хамгийн сайн түвшинд хүргэж, хоёр орны илүү сайхан ирээдүйг хамтдаа бүтээхэд бэлэн байна.
• Америк, Хятад бол дэлхийн хамгийн чухал, хамгийн хүчирхэг улсууд бөгөөд хамтын ажиллагаагаар хоёр орон төдийгүй дэлхийд олон сайн зүйл хийж чадна.
• Тийм учраас энэ удаагийн айлчлалдаа Америкийн бизнесийн салбарын нэр хүндтэй төлөөлөгчдийг дагуулан ирсэн бөгөөд тэд бүгд Хятадыг хүндэтгэж, хамтын ажиллагааг чухалчилж, Хятадтай хамтын ажиллагаагаа өргөжүүлэхийг идэвхтэй дэмжиж байгаа гэжээ.

Харин хэлэлцээний дараа БНХАУ-ын соёл уламжлалын бэлгэдэл, 15 дугаар зуунд баригдсан Тэнгэрийн сүмд Ши Жиньпин, Доналд Трамп нар хамтдаа зочилжээ.