АНУ-ын Ерөнхийлөгч Доналд Трамп БНХАУ-д айлчлал хийгээд буцсанаас ердөө дөрөв хоногийн дараа ОХУ-ын Ерөнхийлөгч Владимир Путин Бээжинд айлчлахаар ирээд байна.
Түүний онгоц 05 дугаар сарын 19-ний өдрийн 23:20 цагт Бээжингийн "Шоуду" нисэх буудалд газардаж, БНХАУ-ын Гадаад хэргийн сайд Ван И угтан авчээ.
Албан ёсны айлчлалын үндсэн хөтөлбөр өнөөдөр эхлэх бөгөөд БНХАУ-ын дарга Ши Жинпинь Тяньаньмэний талбай дээр ОХУ-ын Ерөнхийлөгч Владимир Путиныг албан ёсоор угтан авах аж. Үүний дараа Ардын хурлын ордонд Хятад-Оросын хэлэлцээ болохоор төлөвлөгджээ.
Владимир Путин хамгийн сүүлд 2025 оны 8 дугаар сарын сүүл, 9 дүгээр сарын эхээр Бээжинд айлчлан, ШХАБ-ын дээд хэмжээний уулзалт, Дэлхийн II дайн дууссанд зориулсан ёслолын арга хэмжээнд оролцсон юм. Мөн 2026 оны 2 дугаар сард Владимир Путин болон Ши Жинпинь нар цахимаар холбогдон ярилцаж, улмаар 2 тал ОХУ-ын Ерөнхийлөгчийн БНХАУ-д айлчлах өдрийг тохиролцжээ.
БНХАУ нь 7 хоногийн дотор ийнхүү АНУ, ОХУ-ын удирдагчийг эх орондоо хүлээж аваад байна.
0 сэтгэгдэл