АТГ-аас 2022 оны хөрөнгө орлогын мэдүүлгүүдийг нэгтгэн гаргасан байна. Үүнээс УИХ-ын гишүүдийн хөрөнгө орлого 2021 оноос хойш нэг жилийн хугацаанд хэрхэн өөрчлөгдсөн нь анхаарал татаж байгаа юм.

Тодруулбал, нийт 13 гишүүний хөрөнгө орлого нэмэгджээ. Тэднийг Ц.Мөнх-Оргил, Ц.Цэрэнпунцаг, Д.Бат-Эрдэнэ нар тэргүүлж байна.

• Ц.Мөнх-Оргилынх 8.3 тэрбум төгрөгөөр
• Ц.Цэрэнпунцагийнх 7 тэрбум төгрөгөөр
• Д.Бат-Эрдэнийнх 5.1 тэрбум төгрөгөөр
• Б.Дэлгэрсайханых 3.5 тэрбум төгрөгөөр
• Г.Тэмүүлэнгийнх 2 тэрбум төгрөгөөр
• Э.Батшугар 1.8 тэрбум төгрөгөөр
• Х.Ганхуяг 1.7 тэрбум төгрөгөөр
• Б.Чойжилсүрэн 1.6 тэрбум төгрөгөөр
• Э.Бат-Амгалангийнх 1.3 тэрбум төгрөгөөр
• Д.Цогтбаатарынх 1.2 тэрбум төгрөгөөр
• Ж.Эрдэнэбатынх 1.2 тэрбум төгрөгөөр
• Б.Жавхлангийнх 1.1 тэрбум төгрөгөөр
• Г.Дамдиннямынх 1.1 тэрбум төгрөгөөр өсжээ.

Нүүрсний хулгайн хэрэгт холбогдсон "ажнай" тодотголтой Д.Бат-Эрдэнэ гишүүний хөрөнгө орлого өссөн харагдаж байна. Хөгжлийн банкны хэрэгт холбогдоод, шүүхээс гэм буруугүй гэж үзсэн Х.Ганхуяг, Г.Дамдинням нарын гишүүдийнх мөн өсжээ. Сангийн сайд Б.Жавхлангийн хөрөнгө мөн өссөн онцлогтой байна.