Наймдугаар сарын 17-28-нд Монгол Улсын нийслэл Улаанбаатар хотноо зохион байгуулах Цөлжилттэй тэмцэх тухай НҮБ-ын Конвенцын Талуудын 17 дугаар бага хурал (СОР17)-ын бэлтгэл ажил дуусч, хурлын үйл ажиллагаа эхлэхэд бэлэн боллоо.
Өнөөдрийн байдлаар СОР17 бага хуралд 197 орны 12.230 төлөөлөгч оролцохоор албан ёсоор бүртгүүлээд байна.
Байгаль орчин, уур амьсгалын өөрчлөлтийн дэд сайд Б.Мөнхтамир:
-Өнөөдөр дэлхий нийтэд тулгамдаад буй Цөлжилт, газрын доройтол, гангийн асуудлаар дэлхийн 197 улсын төр засгийн төлөөлөл, банк санхүүгийн салбарынхан, хөрөнгө оруулагчид, бизнес эрхлэгч, төрийн бус болон иргэний нийгмийн байгууллага гээд нийт 12,300 орчим зочид Улаанбаатар хотыг зорин ирж байна.
СОР17 бол зөвхөн 12 хоног үргэлжлээд дуусах хурал бус эдгээр өдрүүдэд хэлэлцэх асуудал, хурлаас гарах шийдвэр хамгийн чухал юм. Монгол Улсад болсон хурлаар дэлхий нийт цөлжилт, газрын доройтол, гангын асуудлаар гаргасан шийдвэрийг 197 улс дагаж мөрдөх үүрэгтэй учир хурлаас гарах шийдвэр, түүнийг хэрэгжүүлэх арга зам нь энэ хурлын үр дүнг тодорхойлно.
Монгол Улс дараагийн СОР18 хүртэлх 2 жилийн хугацаанд Цөлжилтийн эсрэг конвенцын даргалагч улсаар ажиллана. Энэ бол бидний үүрэг төдийгүй маш том хариуцлага, маш өргөн боломж юм.
Монгол Улс анх 2021 онд НҮБ-д хүсэлт гаргаснаар 2022 онд СОР17-г манай улсад зохион байгуулах шийдвэр гарсан байдаг. Тэр цаг үеэс өнөөдрийг хүртэл өөрсдийн мэдлэг туршлага, хүч хөдөлмөр, хувь нэмрээ оруулсан хүн бүрт талархал илэрхийлье гэв.
Талуудын 17-р бага хурал (COP17)-ын цахим хуудас: https://unccdcop17.org
ЭХ БАЙГАЛИА СЭРГЭЭЕ
ИТГЭЛ НАЙДВАРАА БАДРААЯ
0 сэтгэгдэл