Израил, Ливаны хоорондын шууд хэлэлцээ мягмар гарагт АНУ-д өндөрлөжээ. 1993 оноос хойш анх удаа зохион байгуулагдаж буй энэ уулзалтад Вашингтон дахь Израил, Ливаны элчин сайд нар болон АНУ-ын Төрийн департаментын тэргүүн Марко Рубио оролцсон байна. 

АНУ-ын зуучлалаар зохион байгуулагдсан энэ хэлэлцээ “албаны хувцастайгаар ажил хэрэг явуулах, усны хувцастайгаар амрах гэсэн хоёрхон шалтгаанаар талууд давж болох хил хязгаарыг нарийн тогтоох урт хугацааны алсын хараа”-г боловсруулахад чиглэгдсэн гэж Израилаас АНУ-д суугаа Элчин сайд Йехиель Лейтер мэдэгджээ.

Хоёр цаг гаруй үргэлжилсэн энэ хэлэлцээний дүнгээр талууд Ливаныг “Хезболла” бүлэглэлээс чөлөөлөх шаардлагатай гэдэг дээр  санал нэгдсэн байна. 

Энэ уулзалт нь 1993 оноос хойш Ливан, Израилын хооронд өндөр түвшинд хийсэн анхны хэлэлцээ байлаа. Хоёр орон 1948 онд Израил улс тусгаар тогтсоноос хойш дайны байдалтай байгаа юм. 

Эх сурвалж: ВВС