УИХ-ын гишүүн Ч.Лодойсамбуу УИХ-ын гишүүнийг эгүүлэн татахтай холбоотой хуулийн төслийг тууштай эсэргүүцэж, байр сууриа удаа дараа илэрхийлж байгаа билээ.

Тэрбээр өнөөдөр, "Ерөнхийлөгч ард түмний нэр барьж парламентад үүрэг өгөх эрхгүй. Ард түмэн нь төлөөллөөрөө дамжуулж төрөө барих эрхээ Ерөнхийлөгчөөр биш парламентаараа дамжуулж эдэлдэг. Бүх ард түмнийг Ерөнхийлөгч биш парламент л төлөөлнө. 

Парламент Ерөнхийлөгчийн гомдол хүслийг хангах биш ард түмний нийтлэг эрх ашиг буюу парламентийн тогтолцоо, үндэсний эрх чөлөө, ардчилал, тусгаар тогтнолынхоо талд хараалгаж зүхүүлсэн ч бат зогсох үүрэгтэй. 

Ёс зүйгээр далимдуулж цөөнхийн дуу хоолойг барих оролдлогыг эсэргүүцэх нь УИХ дахь авлига, хулгайн гэмт хэрэгтнүүдийг хаацайлсан хэрэг огт биш. Дахин хэлье. “Гэмтнүүдийг гишүүнээс нь түдгэлзүүлээд өгөөч ээ” гээд прокурор нь бариад ороод ирвэл хадган дээр тавиад явуулна. Хүний өөрийнгүй!" хэмээн дахин байр сууриа илэрхийлжээ.

УИХ-ын чуулганы маргаашийн хуралдаанаар Ерөнхийлөгчийн санаачилсан УИХ-ын тухай хуульд нэмэлт өөрчлөлт оруулах тухай хуулийн төслийг хэлэлцэх эсэхийг шийдэх юм.