Нийслэлийн Засаг дарга бөгөөд Улаанбаатар хотын захирагч Х.Нямбаатар өнөөдөр нийгмийн сүлжээгээр дамжуулан байр сууриа илэрхийллээ.

Тэрбээр, Нам дамнасан, асар их санхүүжилт, эрх мэдэлтэй, сошиалыг бүхэлд худалдаж авсан бүлэглэлтэй тэмцэж их бүтээн байгуулалтуудыг урагшлуулах гэж зүтгэж байгаагаа эрхэм Улаанбаатар хотын  иргэддээ сонордуулж байна. 

Туулын замын Байгаль орчны нарийвчилсан үнэлгээ өнгөрсөн жил бүх мэргэжлийн байгууллагуудаар батлагдсан.  Гүйцэтгэгчийг сонгон шалгаруулах нээлттэй тендер 3 удаа зарлагдаж хамгийн санал өгсөн, туршлагатай гүйцэтгэгчийг хуульд нийцүүлж сонгон шалгаруулсан болно. Гүйцэтгэгчид хуульд нийцүүлж банк, даатгалын баталгааг үндэслэж урьдчилгаа төлбөр өгсөн. Цаашид гүйцэтгэлээр санхүүжилтыг шуурхай олгож байж төсөл хугацаандаа орно. АН зогсооё гэдэг сөрөг хүчний увайгүй шаардлага тавьж ард иргэдээ боддоггүй  хийрхсэн улс төр хийж байна.  Ямарч ШУ-ны үндэслэлгүй муйхар шаардлага. 

АН-ын 2024 оны УИХ ын сонгуулийн мөрийн хөтөлбөрт Туулын зам гэж дурдсан атлаа увайгүй улс төр хийж бна. Манай намын зарим бүлэглэл Туул тавигдвал Нямбаатарын улс төрийн карерь дийлдэхгүй гэсэн айдсууд нийлээд асар их хөрөнгө хүч хаяж хөлсний жагсагчид, сошиал багуудын ажиллуулж бна. Надад та бүгдийн бодож байгаа шиг элдэв амбиц алга гэдгээ атаархагчид, сөрөг хүчиндээ илэрхийлье. Надад ганцхан амбиц байна. Тэр нь Улаанбаатарыг түгжрэлгүй, утаагүй болгох явдлууд юм.  

Яг нэг жилийн өмнөх технолгиор  үр хүүхэд рүү минь хүртэл дайрч давшилж эхэлж байна. Яасан их эрх мэдэл, хөрөнгөө хамгаалахаар улайрч байнаа та нар. Улсын хөгжил, ард түмний эрх ашгаа бага атугай бодоочээ бүлэглэлүүд, МАНАНуудаа. Миний бие Улаанбаатарчуудад амалсан түгжрэл бууруулах зорилгоосоо нэг ч алхам ухрахгүй ээ гэлээ.

Түүний мэдэгдэлтэй зэрэгцүүлэн Ерөнхий сайд Н.Учрал өнөөдөр болж буй Засгийн газрын хуралдаанаар Туулын хурдын замын төслийг зогсоож байгааг мэдэгдлээ. Засгийн газраас уг төсөлтэй холбоотой үүссэн маргаантай асуудлуудыг хууль хяналтын байгууллагаас шалгаж тогтоох хүртэл төслийн үйл ажиллагааг үргэлжлүүлэхгүй байх шийдвэр гаргажээ.