ИЗНН-ын Дүрмийн хороо 2026 оны 04 дүгээр сарын 22-ны өдөр хуралдаж, УИХ-ын Р.Батболдыг тус намын гишүүнээс хасжээ.
Тус хуралдаанаар Р.Батболд нь:
- Намын дүрмийг ноцтой зөрчсөн
- Намын Их хурлын бүрэн эрхэд халдсан
- Баримт бичгийг хуурамчаар үйлдсэн
- Уг хууль бус, эрх зүйн хүчин төгөлдөр бус баримтыг Монгол Улсын Дээд шүүхэд хүргүүлсэн нөхцөл байдал тогтоогдсон гэж үзсэн байна.
Дээрх үйлдлүүд нь намын үндсэн үнэт зүйлс болох дотоод ардчилал, ил тод байдал, хууль дээдлэх зарчмыг ноцтой зөрчсөн тул Намын дүрмийн холбогдох заалтыг үндэслэн Р.Батболдыг намын гишүүнээс хасах шийдвэр гаргажээ.
Ингэснээр ИЗНН-ын квотоор жагсаалтаар УИХ-ын гишүүн болсон Р.Батболд цаашид парламентын гишүүн хэвээрээ байх эсэх нь эргэлзээтэй болж байна.
ИЗНН-ын дарга, УИХ-ын гишүүн Б.Батбаатар Р.Батболдын УИХ-ын гишүүн байх эсэхийг хөндөнө хэмээн мэдэгджээ. Р.Батболд нь хэсэг нөхдийн хамт ИЗНН-ын Онц их хурал гэгчийг хуралдуулж, Б.Батбаатарыг намын даргаас чөлөөллөө хэмээн мэдэгдэл хийж байсан төдийгүй, Б.Батбаатарыг Байгаль орчин, уур амьсгалын өөрчлөлтийн сайдаас чөлөөлөх тухай бичгийг Ерөнхий сайд Н.Учрал хүргүүлсэн гэгдэж байгаа юм.
0 сэтгэгдэл