Ерөнхий сайд Н.Учрал өчигдөр Нийслэлийн Засаг дарга бөгөөд Улаанбаатар хотын захирагч Х.Нямбаатарыг үүрэгт ажлаас нь чөлөөлж байгаагаа мэдэгдсэн.
Энэ асуудалтай холбогдуулан Нийслэлийн Засаг дарга Х.Нямбаатар энэ талаар өөрийн цахим хуудастаа хариу мэдэгдэл хийлээ. Тэрбээр "Н.Учрал бид хоёр бие биеэ маш сайн мэднэ. 2066 онд манай Сонгинохайрхан дүүргээс нэр дэвшсэн. Ерөнхий сайд болоод манай нийслэлийн бүх төслийг зогсоосон. Ерөнхий сайд хүн аливаа асуудлыг шийдэх гэж, урагшлуулах гэж явах ёстой. Гэтэл улс төрийн өрсөлдөгчөө зайлуулахын тулд ард түмэнд хэрэгтэй бүх төслийг зогсоосон. Туулын хурдын замын эсрэг ажлыг Н.Учралын баг санхүүжүүлж хийсэн. Туулын хурдны зам ирэх оны долдугаар сарын 1-нд ашиглалтад орох байсан. Одоо Арбитрын шүүхийн асуудал үүснэ. Н.Учрал Ерөнхий сайдын ажлаа авснаас хойш ганцхан ажил хийсэн. Зөвхөн надтай ноцолдсон. Сүүлдээ ажлаа битгий ярьж, битгий лайв хий гэсэн.
Би жил бүхэн бордюр сольсон бол бууж өгье. Хэрвээ тийм зүйл байхгүй бол чи надаас уучлал гуй. Замаа солиход бордюр хамт шинэчлэгддэг.
Туулын хурдны замын гүйцэтгэгчийн дансыг шалгаад ямар ч асуудалгүйг тогтоосон. Чи бантсандаа өнөөдөр намайг зайлуулж байгаа. Х.Нямбаатарын нэр хүнд минийхээс илүү гарчихаад байна гэж чи энэ ажлыг тасалдуулсан. Улс орон удирдахад чиний толгой хүрэхгүй. Чи нэг дүүрэг орон нутгийн сонгуульд ялуулж үзээгүй алиа бацаан. 2024 оны орон нутгийн сонгуульд МАН нийслэлийн 8 дүүрэг ялсан. Ганцхан чиний удирдсан Сүхбаатар дүүрэг ялагдсан. Чи хүн бүрийн татаас, дэмжлэгээр төрийн бүх албыг хашиж байна. Энэ хугацаанд чи ямар ажил хийсэн юм бэ. Олон жил худал хэлж хол явахгүй. Монгол Улсад хууль ёс, төр гэж байдаг бол эцсээ хүртэл явъя. Чи чаддагаараа хууль хяналтынхныг бүгдийг дуудаж, шалгаж, хорь гэдэг үүрэг өгсөн байна лээ. Чи бидний зовлогыг хорьж болохоос зориг зүрхийг хорихгүй, бацаан аа. Та нар нэг том том сенсаци ярьдаг. Монгол төрд ажил хийе, ард түмний төлөө зүтгэе, ажлын ард гаръя гэдэг хүн ховордсон. Намайг огцрууллаа гээд би айхгүй. Миний зориг зүрхийг чи байтугай нь барахгүй. Монгол Улсад төрт ёс, хуульт ёс гэж байдаг бол уушгиныхаа гурван судсыг тасартал Н.Учралтай би үзнэ" гэлээ.Мөн тэрбээр албан тушаалтай зууралдахгүй, даваа гарагт нэр төртэйгээр ажлаа хүлээлгэж өгнө гэдгээ энэ үеэр мэдэгдсэн юм.
0 сэтгэгдэл