УИХ-ын хаврын ээлжит чуулганы өнөөдрийн хуралдаанаар Монголбанкны тэргүүн дэд ерөнхийлөгчийн томилох асуудлыг шийдвэрлэлээ.

М.Анарыг Монголбанкны тэргүүн дэд ерөнхийлөгчөөр томилох нууц санал хураалт явуулахад 91 гишүүн оролцсоноос 77 нь дэмжсэнээр УИХ-ын тогтоолыг баталлаа. Ийнхүү УИХ-ын дарга, МАН-ын дарга асан М.Энхболдын хүү Анарыг Монголбанкны тэргүүн дэд ерөнхийлөгчөөр томиллоо. Түүний хувьд Монголбанкинд 16 жил ажиллажээ.
Монголбанкны тэргүүн дэд ерөнхийлөгч Э.Анар нь 1984 онд Улаанбаатар хотод төрсөн.

Боловсрол:

• 1992-2001 онд Нийслэлийн 10 жилийн 1 дүгээр дунд сургууль,
• 2001-2004 онд Япон улсын Хакүо ахлах сургууль,
• 2004-2008 онд Япон улсын Хакүо их сургуулийн бизнесийн удирдлага мэргэжлээр бакалавр зэрэгтэй төгссөн.
• 2007-2008 онд АНУ-ын Индианагийн их сургууль,
• 2014-2015 онд АНУ-ын Колумбын их сургуульд суралцаж, эдийн засгийн бодлогын удирдлагаар магистрын зэрэг хамгаалсан.

Ажлын туршлага:

• 2011-2013 онд Монголбанкны Гадаад валютын нөөцийн хэлтсийн нөөцийн мэргэжилтэн,
• 2013-2016 онд Монголбанкны Зайнаас хяналт тавих хэлтсийн хянан шалгагч,
• 2016-2017 онд Монголбанкны Төлбөр тооцоо, бүртгэлийн газрын захирал,
• 2017-2026 онд Монголбанкны Төлбөр тооцооны газрын захирлаар,
• 2026 оноос Монголбанкны Төлбөрийн систем, технологийн газрын захирлаар ажилласан.