Монгол Улсын Ерөнхийлөгч Ухнаагийн Хүрэлсүхийн урилгаар Бүгд Найрамдах Тажикистан Улсын Ерөнхийлөгч Эмомали Рахмон 7 дугаар сарын 20-22-ны өдрүүдэд төрийн айлчлал хийж байна.

Өчигдөр үдэш Ерөнхийлөгч У.Хүрэлсүх, Эмомали Рахмон нар Их тэнгэр цогцолборт ард түмний найрамдал, нөхөрлөлийг бэлгэдэн дурсгалын мод тарьсан бол өнөөдөр Сүхбаатарын талбайд албан ёсоор угтах ёслол болж, хоёр ерөнхийлөгч албан ёсны хэлэлцээ хийлээ.

Бүгд Найрамдах Тажикистан Улс нь 1991 онд тусгаар тогтнолоо зарласан бол Ерөнхийлөгч Э.Рахмон 1994 оноос төрийн тэргүүний албыг хашиж байна.