СОР17: Манай улсын нийт нутаг дэвсгэрийн 76.9 хувь нь цөлжилт, газрын доройтолд өртжээ

Монгол Улс 2026 оны 8 дугаар сарын 17–28-ны өдрүүдэд Улаанбаатар хотноо НҮБ-ын Цөлжилттэй тэмцэх тухай конвенцын Талуудын 17 дугаар бага хурал (COP17)-ыг зохион байгуулна.

Манай улсын нийт нутаг дэвсгэрийн 76.9 хувь нь цөлжилт, газрын доройтолд өртөөд байгаа нь энэхүү асуудлыг шийдвэрлэхэд олон улсын хамтын ажиллагаа, шинжлэх ухаанд суурилсан шийдэл, газрын тогтвортой менежмент, экосистемийн нөхөн сэргээлтийн ач холбогдлыг улам тодотгож байна.

COP17 нь дэлхийн улс орнуудыг нэгтгэн, "Эх байгалиа сэргээе. Итгэл найдвараа бадраая." уриан дор газрын доройтлыг бууруулах, цөлжилттэй тэмцэх, тогтвортой ирээдүйг хамтдаа бүтээх чухал индэр болох юм.

COP17 бага хурлын хүрээнд Монгол Улсын санаачилсан цөлжилт, бэлчээр, газрын доройтолтой тэмцэх замын зураглал "Тал хээрийн төлөвлөгөө"-г батална.

КОП17 үндэсний хорооны ажлын албаны бодлого, түншлэл, хөрөнгө оруулалтын газрын дарга А.ЖАВХЛАН:

-Тал хээрийн төлөвлөгөөг бид хамгийн багадаа дараагийн арван жилд хэрэгжүүлэх олон улсын хөтөлбөр гэж харж байна. Энэхүү хөтөлбөр нь Цөлжилттэй тэмцэх тухай НҮБ-ын конвенцын үндсэн зорилтуудыг хэрэгжүүлэхийн зэрэгцээ Биологийн олон янз байдлын тухай конвенц болон Уур амьсгалын өөрчлөлтийн тухай НҮБ-ын суурь конвенцын хэрэгжилттэй уялдааг бэхжүүлэхэд чиглэнэ гэв.

Талуудын 17-р бага хурал (COP17)-ын цахим хуудас: https://unccdcop17.org/

ЭХ БАЙГАЛИА СЭРГЭЭЕ

ИТГЭЛ НАЙДВАРАА БАДРААЯ

Онцлох

Холбоотой мэдээ

0 сэтгэгдэл