АНУ-ын Ерөнхийлөгч Доналд Трамп, Украин улсын Ерөнхийлөгч Володимир Зеленський нарын уулзалт хэвлэл мэдээллийн хэрэгсэлд хаалттай, цаг орчим үргэлжилжээ. 

"Ерөнхийлөгч Трамптай уулзлаа. Украинчуудын амь насын хамгаалах, энх тайвныг тогтоохын тулд бидэнтэй хамт хийж байгаа бүхний төлөө баярлалаа" хэмээн Володимир Зеленський уулзалтын дараа Телеграм хуудсандаа бичжээ. 

Үүний дараа АНУ-ын Ерөнхийлөгчийн Хэвлэлийн нарийн бичгийн дарга Кэролайн Левитт мэдэгдэл хийн, уулзалтыг "нааштай, үр дүнтэй" хэмээсэн байна. Харин Ерөнхийлөгч Доналд Трамп уулзалтын талаар хараахан мэдэгдэл хийгээгүй байгаа юм.  

Украин улсын Ерөнхийлөгч Володимир Зеленськийн мэдэгдсэнээр, уулзалтын үеэр хоёр тал Patriot системийн амдан устгагч пуужин үйлдвэрлэх тусгай зөвшөөрлийн талаар хэлэлцжээ. Уулзалтын талаар өөр дэлгэрэнгүй мэдээллмйг аль аль тал өгөөгүй байна. 

Доналд Трамп, Володимир Зеленський нар уулзахаас өмнө холбогдох эх сурвалжуудаас авсан мэдээлэлтэйгээр Reuters агентлаг мэдээлэхдээ АНУ, Украин улсын албаны этгээдүүд ОХУ-тай агаарын орон зайд эвлэрэл зарлах, өөрөөр хэлбэл хоёр тал агаарын цохилтоо зогсоох талаар хэлэлцсэн гэж онцолж байв. Түүнчлэн энэ уулзалтаар дипломат хүчин чармайлтыг идэвхижүүлэх шаардлагатай талаар ярилцсан байна.

Эх сурвалж: ШУА, Олон улс судлалын хүрээлэн