• Энэхүү хуулийн төсөл нь парламентын хариуцлагыг нэмэгдүүлэх зорилготой гэх боловч Үндсэн хууль, түүний суурь зарчмуудтай зөрчилдөж, УИХ-ын төлөөллийн мөн чанар, парламентын бүрэн эрхт байдал, гишүүний чөлөөт мандатад халдсан шинжтэй байна.
• Ялангуяа намын жагсаалтаар сонгогдсон гишүүнийг нам, эвслээс эгүүлэн татах санал гаргаж шийдвэрлэх нь гишүүний ард түмний элч мөн бөгөөд нийт иргэн, улсын ашиг сонирхлыг эрхэмлэн баримтлах зарчмыг зөрчиж, гишүүдийн тэгш байдлыг алдагдуулж байна. 
• Мөн иргэний гомдлын дагуу ёс зүйн ноцтой зөрчил гаргасан, тангаргаасаа няцсан зэрэг ерөнхий үндэслэлүүдээр УИХ-аас эгүүлэн татах үндэслэл байгаа эсэхийг Цэцээр тогтоолгохоор УИХ-аас хүсэлт явуулах заалтууд нь Үндсэн хуульд байхгүй шинэ зохицуулалт үүсгэсэн, нөгөө талаар мөн гишүүний чөлөөт мандатыг зөрчиж байна.
• Түүнчлэн УИХ-ын гишүүн гэмт хэрэг үйлдсэн гэж шүүх тогтоосноос бусад тохиолдолд буюу Цэцээс гаргасан дүгнэлтүүдийг УИХ-д танилцуулснаар орон гарсан гэж үзэж гишүүнийг эгүүлэн татан тухай тогтоол баталсанд тооцно гэсэн заалтууд нь Үндсэн хуулийн 29.3-т заасан Улсын Их Хурлаас дүгнэлтэд үндэслэн эгүүлэн татах эсвэл бусад хэлбэрээр эцэслэн шийдвэрлэх бүрэн эрхэд халдаж байна гэжээ.

Дүгнэлтийг дэлгэрэнгүй үзэх холбоос: https://www.uih.mn/upload/sudalgaa/files/1182_5187232.pdf